An individual has been detained in connection with the suspicious death of 23-year-old soldier Galibzhon Ibragimov. The case has been classified as secret by the military prosecutor's office.

Пайвандҳои дастрасӣ Ҷаҳиш ба мояи аслӣ Ҷаҳиш ба феҳристи аслӣ Ҷаҳиш ба ҷустор Тор нусхагирӣ шуд ГӮШАҲО СИЁСАТ ИҚТИСОД ҶОМЕА ҚАЗИЯИ "КРОКУС" ОСИЁИ МАРКАЗӢ ФАРҲАНГ МЕҲМОНИ ОЗОДӢ ВАРЗИШ ГАПИ ОЗОД РӮЗГОРИ МУҲОҶИР САЛОМ, ХОҲАР ТАҲҚИҚОТ ҶАНГ ДАР УКРАИНА НАЗАРИ МАРДУМ БЛОГИСТОН ОЗОДӢ ОНЛАЙН ЧАНДРАСОНАӢ ВИДЕО НИГОРИСТОН ГУЗОРИШҲОИ РАДИОӢ РӮЙХАТҲО КИТОБҲОИ ОЗОДӢ Русский ПАЙГИРӢ КУНЕД Ҳамаи сомонаҳои RFE/RL РУС TV Ҷустуҷӯ ТОҶИКИСТОН Боздошти як гумонбари парвандаи "устухонхӯрӣ", ки бо марги сарбоз анҷомид май 15, 2026 Ба дигарон фиристед Шарҳҳоро бинед Чоп Ғолибҷон Иброҳимов. Як нафар дар пайванд ба марги Ғолибҷон Иброҳимови 23-сола, як сарбози қисми низомии Кумитаи ҳолатҳои фавқулодаи Тоҷикистон, боздошт ва алайҳи ӯ парвандаи ҷиноӣ боз шудааст. Парвандаро Додситони ҳарбии гарнизони Кӯлоб таҳқиқ мекунад. Ду манбаъи ҷудогона, ки аз рафти тафтиш огоҳ ҳастанд, ба Радиои Озодӣ гуфтанд, ки бо дастури Додситони низомии Тоҷикистон, ба ин парванда "мӯҳри махфӣ" зада шудааст. Маълум нест, ки боздоштшуда кист ва бо марги ин сарбоз дақиқан чӣ иртибот дорад. ЧАРО МӮҲРИ МАХФӢ? "Парвандаро мӯҳри махфӣ заданд ва аз афроди огоҳ забонхат гирифтанд, ки аз рафти тафтишот ба касе чизе нагӯянд. Ҳамин қадарашро медонем, ки як нафар боздошт шудааст. Модару хоҳари сарбоз ҳамчун ҷабрдида эътироф шудаанд",- гуфтанд манбаъҳо. Бар асоси қонунҳои Тоҷикистон, аз ҷумла Кодекси мурофиавии ҷиноӣ, ба парвандаҳое мӯҳри махфӣ зада мешавад ва баррасии додгоҳии онҳо пӯшида мегузарад, ки дорои сирри давлатӣ бошанд. Инчунин дар мавридҳое ба мисли мурофиаи афроди то 16-сола ва танфурӯшиву таҷовуз ба номус, парвандаро махфӣ мекунанд, то ҳувияти қурбониҳо ошкор нашавад. Аммо манбаъҳои мо дақиқан нагуфтанд, ки бо кадом сабаб ба парвандаи марги сарбоз Ғолибҷон Иброҳимов мӯҳри махфӣ зада шудааст. Додситонӣ низ дар ин бора хабар ва шарҳе нашр накардааст. ШАРҲИ ҲОДИСА АЗ ЗАБОНИ МОДАРИ ҒОЛИБҶОН Ғолибҷон Иброҳимов дар қисми низомии Кумитаи ҳолатҳои фавқулодаи дар ноҳияи Ҳамадонӣ хизмат мекард ва рӯзи 25-уми апрели имсол дар бемористон фавтид. Хонаводааш он вақт сабаби ҷон додани фарзандашонро фурӯ бурдани ноогоҳонаи устухон гуфта буданд. Тӯтигул Эшонова, модари сарбози фавтида он вақт гуфта буд, шубҳа дорад, ки писараш ноогоҳона устухонро фурӯ бурда бошад. Модари Иброҳимов гуфта буд, намедонад, писараш дар кадом шароит як устухони бузургро фурӯ бурдааст. Ӯ ҳодисаро чунин шарҳ дод: "Бачам бемор шуд, телефон кард аз хидмат. Телефон кард, ки очаҷон ман устухон хӯрдам, беморам. Гуфтам чӣ гуна устухон хӯрдӣ, ту дар хона дохили хӯрокро мекофтӣ. Гуфт, очаҷон устухон хӯрдам, аз болояш каме нон доданд, қай кардам, шифохона бурданд. Гуфтанд, ки созӣ, устухон поён рафтааст. Поён рафтааст, каме хунукӣ гирифтааст". Ғолибҷон Иброҳимов, сокини ноҳияи Ҳамадонӣ, баъди хатми Донишгоҳи миллӣ моҳи октябри соли 2025 довталабона ба артиш рафта, то рӯзи фавт дар ҳамин қисми низомӣ адои хизмат мекард. МАРГИ 4 САРБОЗ ДАР ЯК МОҲ Давоми як моҳи охир ин бори чаҳорум аст, ки ҳалокати сарбозони тоҷик расонаӣ мешавад. Исрофил Азимзодаи 25-сола аз ноҳияи Рӯдакӣ, Ғолибҷон Иброҳимови 23-сола аз ноҳияи Ҳамадонӣ, Шаҳбоз Ҷонмаҳмадзодаи 23-сола аз Файзобод ва Одилҷон Исломзодаи 19-сола аз Панҷакент давоми камтар аз якунимоҳи ахир ҳалок шуданд. Дар пайи ҳалокати ин сарбозон, Эмомалӣ Раҳмон, раиси ҷумҳури Тоҷикистон рӯзи 4 май аз мақомоти интизомӣ ва бахусус фармондеҳони нерӯҳои мусаллаҳ, хост, масъалаи тартибу низом дар воҳидҳои низомиро бисёр ҷиддӣ бигиранд. Мақомот гуфтанд, сабаби марги онҳоро таҳқиқ мекунанд, аммо ҳомиёни ҳуқуқ бадрафторӣ дар сафи нерӯҳои мусаллаҳи Тоҷикистонро яке аз сабабҳои қасди ҷони худ кардани сарбозон ва ё ҳалок шудани онҳо медонанд. Ба дигарон фиристед Шарҳҳоро бинед Чоп Вобаста "Агар мошин зер кард, чаро ягон ҷояш нашикаст"? Марги як сарбоз дар Ҳамадонӣ Дилрабо Самадова: Донишҷӯён рӯҳан ба хидмат дар артиш омода нестанд Ҷасади Шаҳбоз пас аз 10 рӯз аз марзи Узбекистон пайдо шуд Эмомалӣ Раҳмон аз риояи "тартибу низом" дар артиш гуфт "Очаҷон, маро бубахш". Охирин суханони сарбоз пеш аз ҷаҳидан ба дарё “Очаҷон, устухон хӯрдам”. Паёми сарбоз ба модараш пеш аз марг Чаро Исрофил баъди ду ҳафтаи хидмат ҷон дод? Додгоҳ афсари гумонзад ба марги сарбозро 10 сол зиндонӣ кард "Ҷасадро зуд дафн карданд." Ба Исрофил дар қисми низомӣ чӣ шуд? Талаби 11 сол зиндон ба як афсари нерӯҳои марзбонӣ дар Тоҷикистон Як марзбони 20-солаи тоҷик худкушӣ кардааст ​ ПАЙГИРӢ КУНЕД МАЪЛУМОТ Дар бораи Озодӣ Сомонаи Радиои Озодӣ бастааст? Чӣ гуна шарҳ нависем? Тамос бо мо ЗАМИМАҲО Замимаи Озодӣ дар Андроидҳо Замимаи Озодӣ дар iOS Дар Смарт ТВ Радиои Аврупои Озод / Радиои Озодӣ © 2026 RFE/RL. Inc. Ҳамаи ҳуқуқ маҳфуз аст. SM