Kyrgyzstani citizen Ermek Sabyrjanov was detained in Ankara, Turkey, on suspicion of links to the FETO movement. He was arrested while traveling with his family to Northern Cyprus.

Линктер Мазмунга өтүңүз Навигацияга өтүңүз Издөөгө салыңыз Шилтеме көчүрүлдү ЖАҢЫЛЫКТАР КЫРГЫЗСТАН КЫРГЫЗСТАН САЯСАТ ЭКОНОМИКА МАДАНИЯТ ДҮЙНӨ ДҮЙНӨ БОРБОР АЗИЯ УКРАИНА АТАЙЫН ИЛИКТӨӨ ТВ ПРОГРАММАЛАР БҮГҮН АЗАТТЫКТА ЭКСПЕРТТЕР ТАЛДАЙТ БИЗ ЖАНА ДҮЙНӨ ДАНИСТЕ ЭЖЕ-СИҢДИЛЕР АЗАТТЫК+ ЫҢГАЙСЫЗ СУРООЛОР ПОДКАСТ ӨЗГӨЧӨ ПИКИР Русский ОНЛАЙН ШЕРИНЕ ЭЕ/АРнун бардык сайттары Издөө 5-Июнь, 2026-жыл, жума, Бишкек убактысы 21:35 ЖАҢЫЛЫКТАР ТИМ Түркияда кармалган Эрмек Сабыржанов тууралуу комментарий берди 5-Июнь, 2026 Бөлүшүңүз Пикирлерди көрүңүз Эрмек Сабыржанов. Тышкы иштер министрлиги (ТИМ) Түркияда кармалган Кыргызстандын жараны Эрмек Сабыржанов тууралуу комментарий берди. Өлкөнүн тышкы саясат мекемеси бул окуя Кыргызстандын Түркиядагы чет өлкөлүк мекемелеринин көзөмөлүндө экенин жана Эрмек Сабыржановдун туугандары менен байланышып жатканын кабарлады. “Элчилик Э.Сго жардам көрсөтүү, ошондой эле анын кармалышынын жагдайларын жана себептерин тактоо максатында Түркиянын компетенттүү органдары менен тиешелүү иштерди жүргүзүүдө”, - деп айтылат ТИМ тараткан маалыматта. Эрмек Сабыржанов диниятчы Фетхулла Гүлендин “Хизмет” (Түркия “Фетхуллачы террордук уюм” деп жарыялаган) кыймылына байланышы бар деген шек менен кармалганы 4-июнда белгилүү болгон. Маалыматка ылайык, ал ушул жылдын 22-майында суракка алынып, 23-майда камалган. 34 жаштагы Эрмек Сабыржанов Бишкек – Анкара – Түндүк Кипр аба каттамы аркылуу жубайы жана үч баласы менен кетип баратканда Анкара шаарындагы “Эсенбога” эл аралык аэропортунан укук коргоо кызматкерлери кармаган. Жубайы Аделина Касымова “Азаттыкка” алар үй-бүлөсү менен Түндүк Кипрге эс алганы баратышканын айтты. Баштапкы маалымат боюнча, Түркиянын укук коргоо органдары ага ФЕТО (“Фетхуллачы террордук уюм”) уюмуна байланыштуу айып тагып жатат. Эрмек Сабыржанов 2014-жылдары Түркиянын Измир шаарында билим алган. 2025-жылдын апрель айында кыргызстандык мугалим Азамат Нурмат уулу да ФЕТО (“Фетхуллачы террордук уюм”) уюмуна байланышы бар деген негизде кармалып, былтыр декабрь айында Кыргызстанга кайтып келген. Кыргызстандын Стамбулдагы консулдугу эки тараптуу сүйлөшүү жүргүзгөндөн кийин анын Кыргызстанга чыгып кетүүсүнө уруксат берилген. 2016-жылы 15-июлда Түркияда мамлекеттик төңкөрүш аракети жасалып, буга байланыштуу үч жүздөн ашык адам набыт болгон. Режеп Тайып Эрдоган башында турган түрк бийлиги бул төңкөрүш аракети үчүн диний аалым Фетхулла Гүленди күнөөлөп, Вашингтондон аны өткөрүп берүүнү талап кылган жана анын кыймылын ФЕТО (“Фетхуллачы террордук уюм”) деп жарыялаган. Эрдогандын мурдагы санаалашы, өнөктөшү Фетхулла Гүлен өзү жана анын тарапкерлери дооматтарды четке кагып, төңкөрүш аракетин бийлик өзү атайылап уюштурган деп жооп кайтарган. Гүлен 2024-жылдын октябрь айында 83 жашында АКШда каза болгон. (BTo) ДАГЫ КАРАҢЫЗ Президент Жапаров Кыргызстан БУУга бир катар сунуштарды берерин айтты ИИМ баңгизат сатууга жаштарды тартуу күч алганын билдирди Путин НАТО аймагына кол салуу тууралуу билдирүүлөрдү акылсыздык деп атады "Мемориал", "ОВД-Инфо" жана "Револьт-центр" Орусияда террорист-экстремисттер тизмесине кирди Нарында райондук милиция башчысы ыдык көрсөтүүгө шектелип жатканы кабарланды Абактагы Узакбаевдин адвокаты анын ден соолугуна байланыштуу президентке кайрылды Сот аткаруу кызматы "Тюбетейка" ресторанынын иши боюнча түшүндүрмө берди Кыргызстанда 13 медициналык окуу жай аккредитациядан өтпөй калды Президент санкциялык саясат боюнча атайын өкүл дайындады Бөлүшүңүз Пикирлерди көрүңүз Follow us Принтер ​ ОНЛАЙН ШЕРИНЕ БИЗ ЖӨНҮНДӨ Блоктолгон сайтты ачуу Биз жөнүндө Эрежелер Азаттык - WhatsApp Азаттыктын тиркемеси Вакансиялар "Азаттык" менен байланыш "АЗАТТЫКТЫН" САНДЫГЫ Тилим - дилим Азаттык үналгысы © 2026 RFE/RL, Inc. Бардык укуктар корголгон. SM