Civil activist Aizhan Mameshowa was sentenced to a two-year restriction of liberty for posting information on Facebook regarding violations in a children's home in Almaty. She was also banned from engaging in socio-political activities for five years.

Линктер Мазмунга өтүңүз Навигацияга өтүңүз Издөөгө салыңыз Шилтеме көчүрүлдү ЖАҢЫЛЫКТАР КЫРГЫЗСТАН КЫРГЫЗСТАН САЯСАТ ЭКОНОМИКА МАДАНИЯТ ДҮЙНӨ ДҮЙНӨ БОРБОР АЗИЯ УКРАИНА АТАЙЫН ИЛИКТӨӨ ТВ ПРОГРАММАЛАР БҮГҮН АЗАТТЫКТА ЭКСПЕРТТЕР ТАЛДАЙТ БИЗ ЖАНА ДҮЙНӨ ДАНИСТЕ ЭЖЕ-СИҢДИЛЕР АЗАТТЫК+ ЫҢГАЙСЫЗ СУРООЛОР ПОДКАСТ ӨЗГӨЧӨ ПИКИР Русский ОНЛАЙН ШЕРИНЕ ЭЕ/АРнун бардык сайттары Издөө 16-Июль, 2026-жыл, бейшемби, Бишкек убактысы 01:02 ЖАҢЫЛЫКТАР Казакстанда балдар үйүндөгү абал тууралуу айткан активистке өкүм чыкты 15-Июль, 2026 Бөлүшүңүз Пикирлерди көрүңүз Айжан Мамешовага беш жыл бою коомдук-саясий ишмердүүлүк менен алектенүүгө тыюу салынды. Архив сүрөт. Казакстанда жарандык активист Айжан Мамешовага эки жылдык эркиндигин чектөө жазасы чегерилди. Мындай чечимди 14-июлда Алматынын Медеу райондук соту «атайылап жалган маалымат таратуу» беренеси боюнча козголгон кылмыш ишинин алкагында чыгарды. Бирок ал жазадан бошотулду. Судья Мамешовага Конституциянын 30 жылдыгына байланыштуу мунапыс колдонула турганын жана ал дайындалган жазадан бошотуларын билдирди. Соттун өкүмүнө ылайык, Мамешовага беш жыл бою коомдук-саясий ишмердүүлүк менен алектенүүгө тыюу салынды. Мамешова Facebook социалдык тармагында Алматыдагы «Жануя» балдар үйүндөгү мыйзам бузуулар тууралуу маалыматтарды жарыялаган. Өткөн жылдын сентябрь айынан бери ал үй камагында болчу. Эми соттун чечими менен ага өлкөдөн чыкпоо жөнүндөгү тил кат чарасы колдонулат. Активист коюлган айыпка жана соттун өкүмүнө макул эмес экенин билдирип, бул ишти атайын уюштурулган деп атады. Балдар үйүнүн кызматкерлери тарбиялануучулардын мүлкүн мыйзамсыз тартып алып, аларды жеңилдиктерден ажыратып жатканын билдирген активист өспүрүмдөр кысымга туш болгонун да жазган. Андан кийин полиция Кылмыш-жаза кодексинин 274-беренеси боюнча кылмыш ишин козгогон. Алгач Мамешова күбө катары өтсө, кийин шектүүгө айланган. Юристтер жана коомчулук анын куугунтукка алынышын жарандык активдүүлүгү менен байланыштырып келишет. Батыштагы укук коргоо уюмдары Казакстандын Кылмыш-жаза кодексинин 274-беренесин сөз эркиндигин чектөөчү курал катары баалашат. Алардын пикиринде, беренедеги бүдөмүк жоболор тергөө органдары менен сотторго бийликке жакпаган адамдарды куугунтуктоого кеңири мүмкүнчүлүк түзөт. Ал эми Казакстандын бийлиги өлкөдө саясий жүйө менен куугунтуктоо жок экенин билдирип келет. 2024-жылдын январында мамлекеттик басылмага курган маегинде президент Касым-Жомарт Токаев: «Биздин мыйзамдарда жарандарды саясий көз караштары үчүн куугунтуктоого мүмкүнчүлүк берген бир да жарлык, бир да мыйзам же башка ченемдик документ жок», — деп айткан. ДАГЫ КАРАҢЫЗ Өзбекстандык уюшма кылмыштуу топ башчысы Интерполдун тизмесинен чыгарылды Одессада Орусиянын ракета чабуулунан үч өмүр кыйылды АКШ Ирандын аскердик объектилерине сокку урду ЖОЖго кабыл алууну жүргүзүп жаткан сайт үзгүлтүккө учурап, кайрадан иштеди Бөлүшүңүз Пикирлерди көрүңүз Катталыңыз Принтер ​ ОНЛАЙН ШЕРИНЕ БИЗ ЖӨНҮНДӨ Блоктолгон сайтты ачуу Биз жөнүндө Эрежелер Азаттык - WhatsApp Азаттыктын тиркемеси Вакансиялар "Азаттык" менен байланыш "АЗАТТЫКТЫН" САНДЫГЫ Тилим - дилим Азаттык үналгысы © 2026 RFE/RL, Inc. Бардык укуктар корголгон. SM